വെള്ളിയാഴ്ചത്തെ നിസ്കാരത്തിന് ശേഷം ഉത്തർപ്രദേശിലെ ബറേലിയിൽ പ്രതിഷേധങ്ങൾ ഉണ്ടായി. “ഐ ലവ് മുഹമ്മദ്” എന്നെഴുതിയ പ്ലക്കാർഡുകളുമായി ഒരു കൂട്ടം ആളുകൾ അല ഹസ്രത്ത് ദർഗയുടെയും ഇത്തിഹാദ്-എ-മില്ലത്ത് കൗൺസിൽ തലവൻ മൗലാന തൗഖീർ റാസ ഖാന്റെ വീടിന്റെയും മുന്നിൽ തടിച്ചുകൂടി.
പോലീസ് ഫ്ലാഗ് മാർച്ച് നടത്തുന്നതിനിടെ കൂട്ടത്തിലെ ചിലർ കല്ലെറിയാൻ തുടങ്ങിയതോടെയാണ് പ്രശ്നം വഷളായത്. ഇതോടെ ജനക്കൂട്ടത്തെ പിരിച്ചുവിടാനും ചില പ്രതിഷേധക്കാരെ അറസ്റ്റ് ചെയ്യാനും പോലീസ് ലാത്തിച്ചാർജ് ഉപയോഗിച്ചു.
സംഭവത്തോട് പ്രതികരിച്ച് യുപി സംസ്ഥാന മന്ത്രി സുരേഷ് കുമാർ ഖന്ന പറഞ്ഞത്, “യോഗി സർക്കാരിന്റെ കീഴിൽ ആരെയും നിയമം കൈയിലെടുക്കാൻ അനുവദിക്കില്ല… സർക്കാരും ഭരണകൂടവും തീർച്ചയായും വേണ്ട നടപടി എടുക്കും” എന്നാണ്.
കല്ലേറ് നടന്ന കാര്യം സ്ഥിരീകരിച്ചുകൊണ്ട് ബറേലി എസ്എസ്പി (സീനിയർ സൂപ്രണ്ട് ഓഫ് പോലീസ്) അനുരാഗ് ആര്യ പറഞ്ഞു: ജനക്കൂട്ടം പോലീസ് നിർദ്ദേശങ്ങൾ അനുസരിക്കാത്തതിനെ തുടർന്ന്, അവരെ പിരിച്ചുവിടാൻ പരിശീലനം അനുസരിച്ച് പോലീസ് ‘കുറഞ്ഞ ബലം’ (minimum force) മാത്രമാണ് ഉപയോഗിച്ചത്.
What's your reaction?
