കേരളത്തില്‍ വീണ്ടും കൊവിഡ് ജാഗ്രത: 24 മണിക്കൂറില്‍ 5 മരണം, 2007 പേര്‍ ചികിത്സയില്‍
തിരുവനന്തപുരം: കഴിഞ്ഞ 24 മണിക്കൂറിനിടെ സംസ്ഥാനത്ത് റിപ്പോര്‍ട്ട് ചെയ്ത അഞ്ച് കൊവിഡ് മരണങ്ങൾക്കൊപ്പം, 2007 പേരാണ് ഇപ്പോള്‍ കൊവിഡ് ബാധിച്ച് ചികിത്സയില്‍ ഉള്ളത്. രാജ്യത്താകെ ചികിത്സയില്‍ കഴിയുന്നത് 7383 പേരാണ്. കേന്ദ്ര ആരോഗ്യമന്ത്രാലയമാണ് ഈ കണക്ക് പുറത്തുവിട്ടത്.
രാജ്യത്ത് ഇന്ന് 10 കൊവിഡ് മരണം റിപ്പോര്‍ട്ട് ചെയ്‍തു. ഡല്‍ഹിയില്‍ നിന്ന് 3 പേരും മഹാരാഷ്ട്രയില്‍ നിന്ന് 2 പേരുമാണ് മരണപ്പെട്ടത്. ഈ സീസണില്‍ കേരളത്തില്‍ മാത്രം കൊവിഡ് മൂലം മരണപ്പെട്ടത് 28 പേരാണ്.
കഴിഞ്ഞ ദിവസത്തെ അപേക്ഷിച്ച് ഇന്ന് കൊവിഡ് കേസുകളുടെ എണ്ണം കുറവാണ് എന്നത് ആശ്വാസം നല്‍കുന്നതായും ആരോഗ്യവിഭാഗം അറിയിച്ചു. പനി, മൂക്കൊലിപ്പ്, തൊണ്ടവേദന, തലവേദന, ക്ഷീണം തുടങ്ങിയവയാണ് ഇപ്പോള്‍ റിപ്പോര്‍ട്ട് ചെയ്യുന്ന പ്രധാന കൊവിഡ് ലക്ഷണങ്ങള്‍.
സംഭാവ്യ രണ്ടാം തരംഗത്തെ മുന്നിട്ടിറങ്ങി നേരിടുന്നതിനായി, സംസ്ഥാനങ്ങളിലേക്ക് കേന്ദ്രം നിര്‍ദ്ദേശങ്ങള്‍ നല്‍കിയിട്ടുണ്ട്. ആശുപത്രികളില്‍ കിടക്കകള്‍, ഓക്‌സിജന്‍ സിലിണ്ടറുകള്‍, പരിശോധനാ കിറ്റുകള്‍, വാക്‌സിനുകള്‍ എന്നിവയുടെ ലഭ്യത ഉറപ്പാക്കുന്നതിന് നടപടികള്‍ സ്വീകരിക്കേണ്ടതുണ്ട്.
പ്രായമായവര്‍, മറ്റു രോഗങ്ങളുള്ളവര്‍, കൂടിനില്‍ക്കേണ്ട സ്ഥലങ്ങളിലേക്കുള്ള യാത്ര ഒഴിവാക്കുക, മാസ്‌ക് ധരിക്കുക എന്നീ നിര്‍ദ്ദേശങ്ങളും വീണ്ടും പ്രാബല്യത്തിലായിരിക്കുകയാണ്.
What's your reaction?
