നിരവധി ക്രിമിനല്‍ കേസ്സിലെ പ്രതിയും പിടികിട്ടാപുളളിയുമായ നെടുമ്പന കുളപ്പാടം ജാബിര്‍ മന്‍സിലില്‍ മുഹമ്മദ് അന്‍വര്‍(37)നെ ചാത്തന്നൂർ പോലീസ് കാസർകോഡ് നിന്നും പിടികൂടി.
കൊല്ലം: നിരവധി ക്രിമിനല്‍ കേസ്സിലെ പ്രതിയും പിടികിട്ടാപുളളിയുമായ നെടുമ്പന കുളപ്പാടം ജാബിര്‍ മന്‍സിലില്‍ മുഹമ്മദ് അന്‍വര്‍(37)നെ ചാത്തന്നൂർ പോലീസ് കാസർകോഡ് നിന്നും പിടികൂടി. കൊട്ടിയം സിതാര ജംഗ്ഷന് സമീപമുള്ള വീട്ടില്‍ കയറി യുവാവിനെ വെട്ടിക്കൊലപ്പെടുത്താന്‍ ശ്രമിച്ച സംഘത്തിലെയും, 2012 ല്‍ കുളപ്പാടത്ത്‌വച്ച് രാഷ്ട്രിയ പ്രവര്‍ത്തകരായ മൂന്നുപേരെ വാളുകൊണ്ട് വെട്ടിക്കൊലപ്പെടുത്താന്‍ ശ്രമിച്ച കേസിലെയും പ്രധാന പ്രതിയാണ് പിടിയിലായ മുഹമ്മദ് അന്‍വര്‍. ഈ കേസ്സില്‍ ജാമ്യത്തില്‍ ഇറങ്ങിയ ശേഷം ഇയാള്‍ കോടതിയില്‍ ഹാജരാകാതെ ഒളിവില്‍ പോവുകയായിരുന്നു. ഒളിവില്‍ കഴിഞ്ഞ് വന്നിരുന്ന കാസര്‍ഗോഡ് ബേക്കലുളള വീട്ടില്‍ നിന്നാണ് ഇയാളെ വ്യാഴാഴ്ച പുലര്‍ച്ചേ ചാത്തന്നൂര്‍ പോലീസ് പിടികൂടിയത്. വിചാരണ കോടതി കൂട്ടു പ്രതികളെ ശിക്ഷിച്ചുവെങ്കിലും അന്‍വര്‍ ദീര്‍ഘകാലം ഒളിവില്‍ കഴിഞ്ഞുവരുകയായിരുന്നു.
What's your reaction?
