ആലുവയില്‍ ചെറുകിട സൂപ്പർ മാർക്കറ്റിൽ നിന്നും 30 ലിറ്റര്‍ വെളിച്ചെണ്ണ മോഷണം പോയി.

കൊല്ലം: ആലുവയില്‍ ചെറുകിട സൂപ്പർ മാർക്കറ്റിൽ നിന്നും 30 ലിറ്റര്‍ വെളിച്ചെണ്ണ മോഷണം പോയി.
ആലുവ തോട്ടുമുക്കത്തുള്ള പഴം, പച്ചക്കറിവ്യാപാരസ്ഥാപനത്തില്‍ നിന്നാണ് കള്ളന്‍ വെളിച്ചെണ്ണ കുപ്പികള്‍ ചാക്കിലാക്കി കൊണ്ടുപോയത്. വെളിച്ചെണ്ണയ്ക്ക് പുറമെ ഒരു പെട്ടി ആപ്പിള്‍, 10 കവര്‍ പാല്‍ എന്നിവയും മോഷ്ടാവ് അപഹരിച്ചു. മോഷണത്തിന്റെ സിസിടിവി ദൃശ്യങ്ങള്‍ പുറത്തു വന്നു.
കടയുടെ പിന്‍ഭാഗം കുഴിച്ച് കടയില്‍ കയറാനായിരുന്നു മോഷ്ടാവ് ആദ്യം ശ്രമിച്ചത്. ഇത് പരാജയപ്പെട്ടതോടെ പൂട്ട് തല്ലിപ്പൊളിച്ച് കടയ്ക്കുള്ളില്‍ കയറി. പിന്നീട് റാക്കില്‍ സൂക്ഷിച്ചിരുന്ന സോഫ്റ്റ് ഡ്രിങ്‌സില്‍ ഒന്ന് എടുത്തു കുടിച്ചു. ഇതിനുശേഷമാണ് കടയുടെ ഉള്ളില്‍ ഉണ്ടായിരുന്ന 30 കുപ്പി വെളിച്ചെണ്ണ കടയ്ക്കുള്ളില്‍ നിന്നു തന്നെ ചാക്ക് കൊണ്ടുവന്ന് എടുത്തത്. വെളിച്ചെണ്ണ ചാക്കില്‍ ആക്കി കഴിഞ്ഞപ്പോഴാണ് 10 കവര്‍ പാല് കൂടി എടുക്കാന്‍ തീരുമാനിച്ചത്. ഇതിനുപുറമേ, കടയ്ക്കുള്ളില്‍ ഉണ്ടായിരുന്ന ഒരു പെട്ടി ആപ്പിളും കൊണ്ടാണ് കള്ളന്‍ സ്ഥലംവിട്ടത്. ഒരു ലിറ്റർ വെളിച്ചെണ്ണയ്ക്ക് 600 രൂപാ വില വരുമെന്നാണ് കട ഉടമ പറയുന്നത്. ഏകദേശം ഇരുപതിനായിരത്തിൽ പരം രൂപയുടെ സാധനങ്ങളാണ് കള്ളൻ അപഹരിച്ചു.